【體路專欄】我的下一個比賽，是首次在馬來西亞Putrajaya舉行的 Ironman 70.3半鐵人賽。還記得在三個月前膽粗粗報完名後，感覺興奮之餘發覺自己完全無考慮那邊的天氣特點——非常之咁熱和非常之咁濕。跟其他人討論時，雖然每個人都話擔心到時身體頂唔住，但講還講，大家心裡都不是特別怕，原因不是我們有任何特別之處，只是不知天高地厚，大家都唔知「熱」有幾熱，「濕」係有幾濕 – 簡單來說，大家心口寫左個「勇」字，做清兵而已。
話咁快就到比賽的一周，我們抵達了馬拉的機場，拿完單車行李後就步向外面的士站。 機場大門一打開，嘩嘩嘩，咩料！一股只會在桑拿房遇到的熱流撲面而來，在汗流浹背的同時大家都開始驚驚地，心裡在想「死啦，真係好鬼熱」。唔知係唔係熱到傻傻地，我問司機一個非常愚蠢的問題「is it always that hot?probably better tomorrow?」。的士司機以極馬拉口音說：「it’s not very hot already, it’s night time, day time will be more bad. You come here for ironman? Haha! Good luck!」他笑了一笑，彷彿暗示 「You all will be barbecue – ed」。在這一刻，各人都靜止了下來，沈默地在心裡說 – 「Fxxx me」
Putrajaya 離開吉隆坡大概 30 至 40 分鐘車程左右，到達 Putrajaya時，第一個observation係，咦喂！無車既？咦喂！人呢？鬼影都無隻！Putrajaya可算是一個死城。Its ok, 至少晚上安靜可以睡上一個好覺。隨便提一句，我選擇的酒店是Pullman，有生之年都不會再回去。點解？睡覺風口對著頭，污糟牙刷又唔拿走，花灑力道差到嘔，態度難啃快點走！「hmmm….好詩，好詩。」
Anyway，第二天醒來，一步出房門，嘩，真係好熱，汗爸爸聲咁流。As planned, 食完早餐去登記，拿號碼布，試試水，test下個race course，不經不覺到了下午12點/1點， 熱到好似比火燒一樣。通常鐵人賽前一天，參賽者需要把單車在轉項區裡Check in，其餘的東西就比賽當天帶上。到達轉項區，烈日當空，企多陣都想暈，放低單車後就諗住bang bang 聲走。絕對唔係講笑，天氣熱到大會驚單車爆胎，警告我們需要放氣。熱到暈暈地得一剎，耳邊響起歌頌阿拉真神的祈濤，雖然我聽不明白但在我的腦海裡就在想「必需在歌頌阿拉前跑完，otherwise阿拉打救都未必掂」。
比賽當日，氣溫達到 36 至 38 度，濕度 90 幾，宜家講起都想流汗。游水以及單車都算OK，因為時間尚算早，仲未算太熱。不過跑步這一段就經典啦，頭500米，咦感覺良好喔，可以跑快小小，跑過了第一個水站，一邊拿水，一邊潑面，多瀟灑。心裡想，maybe all the training has paid off! 正沾沾自喜之際，哇好熱好熱，步伐很自然地慢下來，很快地我的唯一目標就是到達下一個水站，把冰水兜頭淋和瘋狂地把冰塊往褲子裡塞，把葡萄變花生！唔好以為我講笑或是黐線，男生最熱的地方除了頭和頸之外，就要數到褲襠啦。在這麼熱的環境下，必須儘快把體溫拉低，如果唔係，暈倒都有可能。
經過水站的情況就好像在看戰爭片一樣，見到一些人面容扭曲地停下腳步，有些人甚至因為太熱，熱到脫水面青口唇白而需要匿埋在帳篷下受醫療照顧。而我，就每經過水站都大叫，「sponges! Ice! Water! 」而在 10K 過後的大部份水站的一貫回應是，「no more sponges! Sorry, no ice! 」。幾經辛苦，終於跑到 19-20K，「sponges! Ice! Water! 」，「no more sponges! Sorry, no ice! and No Water！」我仲以為自己熱到short左聽錯！望兩望，見到水站空空如也，真係無水！「No water?! What do you have? 」 ，「100 Plus！」即是有氣的寶礦力，本來都算了，照拿！但世事無常，最頂癮係杯野在長期暴曬下係好鬼熱。接到隻杯時，都唔知好嬲定好笑，諗都唔諗倒落地下繼續跑。
最終咬住牙關完成比賽，時間雖算普通但過終點的200-300米，感覺好像贏了比賽一樣。真係由心入面笑出來！過完終點，立刻有工作人員把冰冷的濕毛巾放上背脊，唔知是否熱到傻左，好似聽到「沙………」一聲。
屋企人聽完這個故事後，都問我係咪黐線，俾錢買難受。可能係有小小唔正常，但我買的不是難受，是難受激起的一份堅持和一種在其他地方無法滿足到的喜悅。最緊要是完成這比賽後，真係好鬼開心，好鬼興奮。
在香港的傳統社會裡，當你想做一件事時，身邊一定有人問”Why do you do that?”, “What do you earn from it?” , ” ok, say you do that, so what? What’s next?”
但最關鍵的兩個問題，是否「Does it make you happy? And does it break the law?」
Rather than asking WHY, one should ask WHY NOT?
Have a happy life!