向柏榮

成日都有老師和家長同我講，驚細路仔學咗打拳會粗魯、會郁手郁腳，更驚佢哋會喺學校蝦蝦霸霸添！我自己都有兩個細路，佢哋未識行就已經喺拳館玩，識行就開始學打拳，但其實要真係識打拳之前，必須要有一定身體協調能力、平衡力、紀律性同體能等等，而學曉呢堆嘢後孩子嘅個性就會慢慢變得有耐性、有條理、識包容同自律性高咗。 現今學童有百分之九十嘅時間放喺學業上，身體質素變得冇咁健壯。讀書固然重要，但健康也不能忽視。近年發現好多小朋友，連一些基本運動動作都做唔到，一落堂就嚷著要手機或電腦，情況令人擔心。 搏擊武術是一項需要高自律同專注嘅運動，當你見到佢哋識得自己戴拳套、紮手帶、收拾拳套、聽指令打沙包，為他人(對手)設想時，其實佢哋已經學識一件了不起嘅事，仲可以令佢哋揮灑多餘精力，練好體魄，畢竟現在學生們功課繁重，測驗又多，學習搏擊未嘗不是一件減壓嘅好活動。 快襯暑假就到，參加一些運動班讓孩子們運動一下筋骨吧！

近日參加學校講座，令我回想起為何我會那麼投入搏擊運動呢？ 十多年前，我跟著師父在公園裡練拳，風雨不改日日如是，開始時途人都以為我是個瘋子，晚晚打鐵絲網踼燈柱(請各位不要咁樣做，依家的警察叔叔會拉你的)，見我跑去東，他們便躲去西，對我指指點點。 直至兩、三個月過後，時常在旁邊打籃球的年輕人，突然走過來問我可不可以一起練，我師父當然答應了。自此，我們一班「瘋子」便成為全個公園的焦點。 自那天開始，我發覺原來專心一意的做一件事，是會感染到旁人的。雖然現在我角色變了經營拳館，但心中一團火仍然不減，希望每件事每個細節都做到最好，務求身邊的徒弟、學生都能被我感染，時時刻刻保持呢份熱忱，傳播出去。 學校做講座是我最喜歡項目，跟小獅子們分享我年少時的經歷，希望他們能早找到人生的方向及目標，別太早氣餒，努力為自己未來經營，康莊大道正在您面前等著你！