話咁快又到年尾啦，呢一年真係過得特別快，可能因為全年都忙過唔停手，好似最近就忙緊12月尾舉行嘅Energy Fight 2015，希望透過今次賽事將「Reload」呢個信念帶畀所有人！
Energy Fight 2015賽前嘅操練已經展開，為咗令大家可以將最好一面呈現畀觀眾，我同我嘅團隊早前舉辦咗多個Workshop畀參加者，同時亦安排唔同訓練畀佢哋，全因我哋今次賽事會打新興嘅「綜合搏擊」例，會有摔撻同鎖技。
其實我哋今年搞比賽，背後有個主題，就係Reload！希望無論係參加今次Energy Fight 2015學員定任何人，都可以透過我哋今次搞嘅比賽，再度整裝，重新出發，重燃心中果團火，為自己嘅理想打併，秉承Win Over Yourself精神。
香港生活節奏急速，工作壓力大，大家為兩餐，好多時已對工作生活麻木，放棄咗自己嘅夢想。我哋真係好希望透過Energy Fight 2015，將Reload精神傳畀每一位香港人，畢竟人生只有匆匆幾十年，大家一定要把握時間重新上彈，為下一個里程碑而奮鬥呀！
