【體路專欄】今天發生了一件事情，當時我曾經想力陳己見，最後選擇了沉默。我認為沉默是必要的；對於我們這班業餘三鐵運動員來說，更正確的描述，應該是每次練習也會認為沉默是必要的。
教練：「好！快到比賽，唔可以好似之前咁hea啦，今日個program要認真ｄ」
運動員心想：「吓?!hea?!幾時的事？教練始終唔係我，佢可能唔明白我其實好攰，我地又要返工、又要照顧屋企，不如同佢解釋下。」
運動員：「教練呀，其實呢．．．．」
教練：「唔好講咁多，預備，去！」
完成第一組練習，休息三分鐘。
「唔，呢三分鐘應該係我力陳己見的時候啦。教練呀，其實上星期的program呢，我覺得好辛苦，每課練完都好攰，行路都無力咁濟，我地真係唔覺得hea架。」
「吓？！你地真係咁咋？咁都話辛苦？今晚一定要做足D，唔係點進步呀？」
「做足D?!即係本來有電視框，依家衰多口，無左。」沉默是必要的！
好不容易捱過了一星期放工便趕著去練習的五天，到了週未，應該好好休息，為何又要晨早，天未光就爬起來去受苦？這是家人朋友經常反問的問題，本想力陳己見，解釋自己有如何偉大的目標，但想到他們多數會說，「玩得好，有錢的嗎？」無錯，不但沒有獎金，還要付出金錢，為了避免這種冷酷，沉默是必要的！
「勾住前面，唔好甩！」「係！勾到我實勾，不過真係無力啦。喂，你地可唔可以慢少少呀，跟唔到呀！」就是這一句，破壞了節奏、亦破壞了呼吸，這一句前還勉強緊隨前車，這一句後只好慨嘆望塵莫及，餘下的百多公里，「自己食自己啦!」所以沉默是必要的！
雖然這麼多時候，我們要保持沉默，不過只要堅持著，直至成功挑戰自己，旁人便會感受到我們的喜悅。當我們還想繼續保持沉默，可是卻被迫陳述我們是如何做到的。
本星期六，4月19日，有很多香港鐵人前往台東，參加Challenge Taiwan的113及226的比賽，沉默了多時，係時候爆啦！