【體路專欄】長距離練習時個腦諗啲咩？

【體路專欄】長距離練習時個腦諗啲咩？係分好多層次！

如果係恢復慢跑，會放鬆心情俾個腦放空，欣賞風景同享受自己跑步嘅時間。

如果係長課，一開始要穩定步速，諗動作、呼吸、體感，穩定後可以模擬自己比緊賽，俾身體記住好嘅感覺，習慣成自然，比賽時就能夠發揮水平，最後階段係最辛苦，以穩定動作為主，喺穩定狀態下順住加速，而唔係死加。

至於比賽就諗步速同感覺，進入狀態後就盡力保持，總會去到某個位好攰好想放棄，依個時候就要不斷提醒自己鼓勵自己諗啲嘢激勵自己，痛苦就會好快過。

文：香港跑手屈旨盈