【體路專欄】上星期香港發生o左好多事，富足主雖然過緊退休生活，但係亦少不免牽涉入其中。就好似呢排HIT爆網絡世界o既Ice Bucket Challenge咁，因為畀o岩o岩升上港超聯o既黃大仙tag中o左，唔夠24小時就已經要找數。
呢個Ice Bucket Challenge到底係乜，相信好多人都已經清楚，富足主唔再多費唇舌喇，反而o係度想講下，身邊一o的朋友，就對於呢個冰桶挑戰好反感，總之就打死都唔會玩，更加以「浪費食水」為理由，大條道理咁，站在道德高地去批判其他有份去參與呢項慈善活動o既人。
呢個世界就係咁，總有一o的咁o既人，無論你做乜，都可以搵到位入。站在宣傳角度，今次Ice Bucket Challenge絕對係成功，皆因佢用最少o既資源，利用社交網站優勢，去吸引全世界不同界別人士參與，引到大家捐錢之餘，更加認識到有種絕症叫做漸凍病。o個班話人浪費地球資源o既人，富足主真係好想知道，佢o地係咪從來唔會開冷氣、唔搭交通工具、唔殺生只係食齋o架呢？
富足主