有網友經常問點樣可以操胸，今次就為大家介紹一下兩個推胸嘅訓練，一個用器械、一個就用barbell進行，等大家可以鍊成強勁嘅胸肌去沙灘show下……
1）器械坐姿胸推舉 Machine Seated Chest Press
首先我地好似（圖1）咁調校坐椅高度，手把於乳腺（乳頭）咁高先，坐定定，調校把手與胸距離，雙肩放鬆沉肩，腰背緊貼著椅，雙腳放鬆放於腳踏上，握橫手把，記得握手把時手肘跟背部成一直線、跟肩部咁高，然後吸氣，慢慢向前推出去，同時呼氣至到手肘微曲（圖2），停一停約1秒後，吸氣慢慢回到至開始位置（圖1）。
下次講下用槓鈴係平板上做呢個動作，係平板上面做型好多架XD
上面講完點利用器械去練胸大肌，依家就講下點係平板上面用barbell做呢個動作，當然用barbell就型好多啦（個人認為），不過最好就玩耐左器械習慣左先，又或者有教練在旁指導，安全至上。
2）平板卧推 Bench Press
首先訓上塊平板度，跟住就調校身體位置，大約支bar喺乳腺（乳頭）上方位置，雙肩放鬆、沉肩、腰部緊貼平板上面，雙腳放鬆腳踏係地上，握住支bar，開始動作就好似上面”器械坐姿胸推”咁，握住支bar時手肘唔好調得過後，手腕keep住伸直，跟住吸氣，向上推至手肘微曲同時呼氣（圖2），停一停約1秒，吸氣慢慢返去開始動作（圖1）
用barbell做呢個訓練係咪睇落去型好多同pro好多呢，不過記得要注意安全呀，enjoy~
想知更多體適能資訊可到我的 Facebook Page “高級私人教練 Jerry Liu”，多謝支持!!