最近天氣時晴時雨，唔少人都因為咁而病倒，富足主亦打敗仗，放3日假就病足3日，認真慘情。
其實又邊會有人未病過，只要對正下藥，好快藥到病除。富足主睇完醫生後，亦都逐漸好轉，好快可以復出，統領夏體硬打江山。
最近香港亦都病o左。先有老師爆粗鬧警察，繼而再有支持特首o既學童聲稱畀人打。之後特首竟然要求教育局提交報告，仲話出動重案組去查；網上亦有大量改圖聲討呢位疑似講大話o既小朋友。富足主雖然平日都鍾意抽水，但係對上述兩單新聞就唔敢亂share。老師講粗口，表面上當然係唔o岩，但大家係咪要理解下佢因乜事要激氣到爆粗呢；至於小朋友就更陰功，佢分分鐘連自己做緊乜都未知，就要畀各位網上判官口誅筆戈，要鬧o既係咪應該鬧控制佢o既大人呢？
有時做人最驟忌就係未審先判，或者呢個已經成為社交網站o既潮流，但係富足主一直就好反對咁做。就好似國足主上一期偷o左我影阿聲張相，想又借o的易排除異己，我係絕對唔容許o既。
阿聲早排擅自偷食水撥，相信係得罪國足主o既原因。
富足主
