HIIT 高強度間歇訓練

【體路專欄】之前係facebook share過一篇生果日報關於HICT 7分鐘可有效燒脂減肥嘅介紹，引起咗好多迴響。有朋友認為可以、有朋友認為唔可以，其實HIIT同HICT可“極速”短時間燃燒多啲卡路里都已經有實驗證明過，但係又有實驗證明卡路里未必係減肥過程中影響最大嘅。HIIT同HICT之所以咁有話題唔多唔少都因為佢地做嘅時間好短，啱晒成日都無咩時間嘅人，不如我用兩篇post講吓HIIT同 HICT 嘅訓練概念，大家分析一吓，各取所需

HIIT – high intensity interval training
高強度間歇訓練，聽個名都知個訓練裡面要快吓又慢吓咁，HIIT 出名在於比起低強度運動更有較燃燒脂肪，係訓練結束後亦可加速新陳代謝。
有研究指HIIT最好一星期做2次，每次約20分鐘，外國有實驗證明做15星期HIIT嘅人比起做20星期普通訓練嘅人，少咗嘅脂肪量係為多嘅。

咁你就會話咁咪好囉，未必，因為人人鍛煉目標唔同，有啲朋友可能真係想運動輕鬆吓，同朋友聯宜吓，唔通你又捉佢去做HIIT咩，而HIIT都只係由衝刺、緩和咁交替，係gym room都可以做到例如用跑步機、單車機、橢圓機呢幾樣，老實講其實都幾悶吓架，另外就係衝刺果一part要令心率去到90%以上，之前都有講過運動強度越高要休息回復嘅時間就越長，所以可能你一星期做完兩次HIIT就要休息返好耐先得（假設）。

係高強度果part度，身體只可提供到約10秒嘅能量比你用，而用帶氧運動作減脂好處就係持久性較長，身體係帶氧嘅情況下可以無限量咁供應能量，所以話咸魚青菜各有所愛，駛咩拗吖。

下次會講HICT，請繼續留意！