在剛這過去的上星期，完成了今年的第四個比賽，也是暫時來說今年成績最好的一個比賽。總成績第二名，只係落敗於去年奧運金牌的荷蘭選手，這個成績其實也挺滿意的，始終前三個比賽的成績都總是差一點點或未能發揮得好，這個第二名也好及時增加了少少信心，準備緊接而黎的幾個比賽。
其實講真…運動員的生活都幾悶，每日都離不開落水，體能，食飯，瞓覺，所以其實真的無咩特別野可以分享…但有一樣少少不同的，就係因為經常要參加不同比賽的原因，所以我地都可以將呢幾樣事件在不同的地方和國家進行，或者都係我地喺沉悶的訓練中找回少少樂趣的方法。
就講講剛剛去比完比賽的那個地方，Lago di Garda， 位於意大利北部，係意大利最大的一個湖。呢個地方風景好靚，湖的四周都被高達到1600-2000米的高山包圍住，山的頂部還有好多雪，第一次黎到呢個地方就被它的風景吸引住了。但有一個問題就係，我地係玩風帆的，湖水都係雪山流落黎的雪水…初頭一兩日落水時，手指腳指都凍到快要無知覺，還好過了幾天後都慢慢適應了，開始少了痛的感覺。整體來說，Lake Garda都係一個好地方！如果有機會的話，我都希望可以再去一次，因為…風景真係好靚！不過我地只係逗留兩星期，比賽結束後就返回荷蘭，準備今次歐洲之行的最後一個比賽。
