Hello，大家好，我係香港滑浪風帆運動員梁灝雋。感謝《體路》比我喺呢個平台分享一下，希望有機會令更多人認識滑浪風帆呢個運動！
感覺上滑浪風帆對普通人來說，係一個好熟識但又好陌生嘅運動。好熟識係因為滑浪風帆隊過往的運動員，我的師兄師姐們總可以係世界性的比賽為香港爭光，令外國人知道香港運動員唔係垃圾！好陌生嘅我認為其實係因為滑浪風帆比賽好多時都要聽天由命，風大太比賽會有危險，風太小又不能比賽，因此看風帆比賽的賽程經常不定時，令觀看比賽的觀眾少之有少，更加沒有可能會有電視轉播，所以一般市民對滑浪風帆認識都會好淺。
其實滑浪風帆係一個好特別的運動，只係利用風的力量就可以有快艇嘅速度，可以自由自在地在海上飛馳，做運動之餘更可以感受大自然的力量和樂趣，一舉兩得。
相信大家都會有留意體育新聞。2012年對整個風帆界來說都係有驚無險的一年，年初滑浪風帆突然被踢出奧運項目，但到年尾最終都被重選加回奧運的大家庭。呢個決定意味住2016年奧運會大家又可以再喺電視欣賞滑浪風帆比實。其實風帆隊能在海外比賽取得好成續一直有賴政府和市民的支持，令我地有更大決心為香港再創佳續。黎緊二、三月我和我的隊友們將會到美國及巴西出戰世界錦標賽，希望到時能為大家帶黎好消息！同時希望大家能更加多留意本地體壇，更加留意和繼續支持香港運動員！
香港滑浪風帆代表
梁灝雋
2013年1月11日