【體路專欄】俗語有話禮多人不怪，上期富足主祝福完大家，今期點都要贈大家幾句：
祝各位
富貴迎春
足可圓夢
主宰大局
白吃白喝
痴心好報
有入場睇今屆賀歲盃既老友都應該覺得好滿足，事關公民昆卡聯隊唔單止第一日踢出水準，去到決賽一樣咁勇，睇住果d起勢話公民-6既朋友收皮真係充滿快感，當然，話無私心就假o既，公民足主貝生話曬都同夏體硬有好多計傾，同我又點止「有d交情」咁簡單呢？
正正因為貝生同我地成班隊友關係好，佢老人家o係賀歲盃決賽之後，邀請我地派代表同昆卡以及厄瓜多爾領事再加埋AET董事總經理張生o黎個飯聚聯誼，我同富足主雖然去唔到，但都不敢怠慢，派出老將小環率領黑龍波以及經典球員馬菲作為代表團，代表夏體硬出席宴會。
席間厄瓜多爾代表送左幾頂籐帽比我地做紀念，結果就出事喇…係我地陣中一直有「青山院長」之稱既小環，一見到頂籐帽就狂性大發，逼代表團一眾成員陪佢一齊扮葉問…
我諗起個情境都覺得失禮死人，點知厄瓜多爾班友見大家chok得咁行，就問我地係咪cos緊乜野明星，據聞黑龍波同馬菲都知出事，齊齊扮唔知行開，唯獨小環似乎飲多兩杯，佢居然走埋去答人：「Leaf Ask！」
咁有創意既答案，人地又點會get得到？當下果位仁兄為免尷尬，自己拆解Leaf Ask呢兩個字，點知又拆唔掂，以為有個Leaf字就覺得我地香港人好有環保意識，值得欣賞，於是就間接促成左公民同昆卡結盟。
傻人有傻福咪就係呢d！
國足主
