上星期角足主交o左個波畀我，話叫我跟進下記協盃決賽我o地球員被毆打事件，由於事件已經進入調查程序，富足主我就唔想講多錯多，各位花生客如果想留名跟進，可以去fb search記協盃個group，據知對方領隊已經有回應。富足主就只有一句：公道自在人心。
今期富足主有一個好消息公布。隨著夏體硬日益壯大，年華老去o既富足主亦唯有屈服o係角足主o既淫威之下，由幕前走到幕後，不過「就算一條底褲一張廁紙都有佢o既用處」。o係決賽之前，富足主已經同美國著名內衣品牌JOCKEY傾好，下個月開始將會貼身贊助我o地一班冠軍成員。以後我o地就會好似「陳七」同Peter咁，著上咁型仔o既底褲落場，至於面o個條，就梗係著返NIKE啦。
本來富足主都有向贊助商建議，不如搵角足主同可樂暉出o黎，好似「陳七」佢o地咁，拍返幾輯肉照，然後放o係o的巴士站港鐵站，當係宣傳啦。點知對方話呢排香港o既光污染超哂標，都係咪搞咁多o野。咁唯有等佢2個操返10年8載，略有小成o既時候先再作打算啦。亦都先借呢度多謝各個贊助商錯愛，以後一定踢多o的好波o黎報答大家。