【體路專欄】早幾日足主我擺大壽，多位球星出席到賀場面熱鬧，唯獨富足主繼續多年唔俾面既習慣，寧願出埠都避而不見，認真小家。
席間，當然唔少得唱生日歌切蛋糕吹蠟燭許願呢D例牌動作啦，當隊友捧起個蛋糕埋黎叫我唱生日歌時，唔知點解我個腦自動load左岩布仙尼幫良心台唱生日歌一幕，雖則故事主體似乎唔多對位，但我一路唱，個腦就好似一路同岩布仙尼同步咁…
唏，畢竟我都係個A米Fans嘛，有時得閒無聊訓唔著都會click番以前A米風光時既片黎睇，以前既岩布仙尼都只係二打六，到後期做埋隊長，完全可以睇到呢隊波由強隊到沒落既過程，今屆曼聯成績差，人地就成日拎曼聯同A米兩隊波黎比，大佬，曼聯衰極都仲係歐聯8強，聯賽都仲係有d機會爭下歐洲賽資格，仲要幾年前都仲係有能力炒起A米呀，講呢D…
所以，當我「自我感覺很畢」地唱完首生日歌，成班人問我有乜生日願望，我除左好行貨咁話世界和平之外，我就好誠懇地許左個似乎好簡單但其實充滿難度既願望，就係希望夏體硬呢隊波可以繼續搞得有聲有色。
睇到呢度，大家可能覺得我「又講呢D」，其實睇睇而家球壇，遠有曼聯A米，近既又有少林寺同快活谷，隊隊波都充滿內憂外患成身蟻，大家就會明白一班人、一隊波，能夠齊齊整整已經係有福氣。
希望終有一日，富足主會同我賀壽啦！
國足主
