平常做運動時都會見到好多朋友們做咗一啲傷害自己關節嘅動作，長期做呢類動作會對身體嘅骨骼排列很有影響的，今次就同大家分享吓我地膝關節嘅結構同運動禁忌吖……
首先認識吓我地嘅膝關節 (Knee Joint)先，我地嘅膝關節係由股骨、髕骨(菠蘿蓋)、軟骨關節、半月板、脛骨組合而成。
而髕骨(菠蘿蓋)則連接股四頭肌肌腱及髕骨肌腱互相穩定保持係適當位置。係我地日常生活中假如我地將膝關節屈曲至少於90度時，就會產生一個合成力(resultant force) 將髕骨向我地嘅後方拉扯，咁樣就會對膝關節造成好大嘅壓力。
而膝關節是一個樞紐關節(Hinge Joint)，它只可以係一個平面上活動，使骨骼間的角度增大或減少，我地嘅肘關節亦係樞紐關節之一，上文提到膝關節嘅組成係幾咁複雜，所以有咩事就真係好麻煩……
關於膝關節嘅運動禁忌……
相裡面嘅熱身動作你係咪有做過呢？
我承認我做過XD
上面講過膝關節膝關節是一個樞紐關節(Hinge Joint)，佢可以係一個平面上活動，使骨骼間嘅角度增大或減少。
佢嘅周邊有好多韌帶可使我地嘅關節保持穩定，但係我地有好多時候係熱身運動時都會做出雙膝屈曲繞旋呢個動作，但你有無發覺其實呢個動作已經超出咗膝關節/樞紐關節嘅活動範圍呢……長期做呢一類動作可能會使韌帶變得鬆弛導致關節不穩定，所以大家要留意吓喇！
想知更多體適能資訊可到我的Facebook Page “高級私人教練 Jerry Liu”，多謝支持!!