【體路專欄】幾年前如果問身邊女仔有沒有興趣一起跑步或做Gym，她們幾乎耍手擰頭, 不是投訴「怕流汗會溶妝溶到一撻撻」、便是怕做完運動變得「手粗腳粗」。不過自從近幾年香港運動風氣開始盛行，加上做運動有助修緊線條，甚至在Facebook、IG打卡「呃like」，令不少女仔開始愛上做運動，當中跑步、瑜伽、泰拳、行山成為熱門運動！
最近筆者身邊愈來愈多女仔朋友愛上做Gym，而市場明顯對專業教練非常渴市！
80後Viola以前是肥妹仔一名，標準身高的小姥子在英國留學時體重高峰期一度達130磅，不過回流香港後，決定「洗心革面」，開始追求健康生活。 「起初唔敢做Gym，怕做Gym變到好大隻，不過我請咗一位男健身教練幫我執靚動作，而佢亦安排Functional Training、Kettle Bell或者Body Weight畀我玩，每一次challenge都令我好有滿足感，原來做Gym可以咁有趣」！
經過三年努力下，Viola減去25磅的體重，「見到減肥效果咁明顯當然好開心，著婚紗都靚好多」！自從減肥成功後，不少朋友也受Viola影響下一起做運動，「成班女仔一齊做運動好開心，一來可以gathering，二來一齊追求健康，係sisters club最好聯宜方法」。Viola每月在運動方面的消費一千至兩千港元，「呢筆錢係投資喺自己嘅健康，絕對值得」。
筆者近期與不少健身或運動中心的管理層交流過，發現聘請教練的女會員愈來愈多，比以往同期增加三成以上，包括：
．大學生
．OL
．準備結婚的女士
．期望產後修身的女士
