【體路專欄】每個人喺生活上都會有啲迷信嘢，有人相信占星卜卦，有人會配戴某種顏色或形狀嘅飾物。
運動員同樣有自己嘅迷信，球員會著自己lucky number嘅球衣作賽，網球運動員拿度（Rafael Nadal）比賽時要將水樽排放好，足球運動員C朗拿度 （Cristiano Ronaldo dos Santos Aveiro）賽前著襪先著右腳，入球場時一定先邁出右腳，羽毛球運動員林丹比賽時要準備6支款式一模一樣嘅球拍，花式溜冰運動員羽生結弦（Yuzuru Hanyu）會帶上小熊維尼廁紙盒比賽等等。
呢啲行為俾到運動員有巨大嘅心理效益和安全感，要喺比賽上發揮自如甚至取勝，除咗靠運動員本身嘅實力，都要有啲運氣，所以運動員們都會摸索出一啲迷信嘢。
至於我，習慣早餐食麥方包同埋比賽前去廁所，最少3次！！！唔知你又有冇咩迷信嘢呢？留言分享一下你嘅迷信吧！
文：香港跑手屈旨盈