【體路專欄】我哋可以利用唔同嘅exercise、工具或唔同嘅角度去要練一組肌肉，而唔同嘅角度都會令到人體力學有影響，所以訓練嘅部份都唔一樣。
相信大家都有練開背，而其中引體上升同划船都可以訓練到我哋嘅背闊肌，咁呢兩種練背嘅鍛鍊係我哋好似扇咁大嘅背闊肌可以練到邊一part呢？
先講引體上升，引體上升係一個利用自身體重作負荷由上到下拉嘅動作，而向下拉呢個動作可以鍛鍊到我地背闊肌嘅上部、外緣同肩胛骨嘅一啲小肌肉群等，經過時間會可令我地個背睇起上嚟闊啲；而划船就係一個由前到後嘅動作，佢主要利用到背闊肌嘅中部同下部(仲有啲斜方肌同豎脊肌)，如果想要一個厚實嘅背肌划船動作會比引體上升好啲，雖然引體上升同划船都係背闊肌嘅訓練，但係動作角度唔同所訓練出嚟嘅位置都會有啲唔同，所以如果大家想有個又厚有闊嘅背闊肌兩者到係要練㗎！